वाग्मती सफाइ महाअभियानको ६८३ औं सप्ताह सम्पन्न

वाग्मती सफाइ महाअभियानको ६८३ औं सप्ताहअन्तर्गत मिति २०८३/०२/३० गते शनिबार बिहान २ घण्टा बानेश्वर क्याम्पस आसपास पहेलो पुल क्षेत्रको नदी र नदी किनारामा सरसफाइ कार्यक्रम सम्पन्न भएको छ ।

उक्त सरसफाइ कार्यक्रमबाट करिब १ मेट्रिक टन फोहोर संकलन गरिएको छ । संकलित फोहोरलाई काठमाडौं महानगरपालिकाको सवारी साधनमार्फत कुहिने र नकुहिने छुट्याई व्यवस्थापन गरिएको छ ।

कार्यक्रममा समितिका  पदाधिकारीज्यूहरु, वाग्मती अभियन्ताहरु १७ जना, समितिका कर्मचारीहरु १६ जना र सरसफाइकर्मी १६ जना सहित जम्मा ४९ जनाको सहभागिता रहेको थियो ।